Danskit timmisartuat Savalimmiuni saliinermi ikiuutissaaq
Russit kilisaataat Torshavnip avatinnguani ikkarlippoq kivillunilu. Kilisaat 270 tonsimik solaarimik orsersoqqammerluni ikkarlippoq, ikkarlinneranilu kilisaatip tankiisa ilaat putuneqarpoq uulialu 30 tonsip missaa anialluni. Uuliaarluerneq maanna salinneqassaaq, uulialu aniasimasoq qaqinneqassalluni.
Timmisartoq assartuut uuliaarluernermut saliinissamut atortussanik Norgimi Bergenimut aqqusaarseriarluni Savalimmiunut ingerlaqqissimavoq.
Saliinissamut atortussat ilaatigut tassaapput poorsuit immikkut uuliamik kinertumik, aamma uuliaterutissamik milluaasinnaasunik, imallit. Solaari katersorneqarsinnaanngilaq , taannami nammineerluni aalannguuttarami.
Kilisaat sisamanngornerup unnuaani ikkarlikkami 34-nik inuttaqarpoq, taakkualu kilisaammiit eqqissisimasumik ikaarussuunneqarput.
Kilisaat maanna 70 meterinik itissusilimmi kiveqqavoq sulilu uulia 250 tonsi usivaa, kisianni uuliamik aniasoqanngitsoq oqaatigineqarpoq. Uulia tankiniittoq maanna qallorniarneqarpoq.