Danskit svenskillu unamminerat kinguneqalerpoq
Europamiut arsaattartuisa kattuffissuat FIFA ullumi pillaammik kinguneqartitsilluni aalajangiivoq arfininngormat Danmarkip Sverigellu assuarnartumik arsaannerisa kingunerisaanik:
Aalajangiineq sakkortuvoq. Qallunaat Nunaat sakkortuumik pillarneqarpoq 0-3mik ajorsartinneqarluni, kinguarsimasunilu arsaattartoq Christian Poulsen, Qallunaat unammisartuisa arsallutik unamminissaannut tulliuttunut pingasunut ilaaqqusaajunnaarluni, DBU-lu Qallunaat arsaattartuisa kattuffiat akiligassinneqarujussuarluni. Tamassumalu saniatigut Danmarkip Europami pissartanngorniunnissamut atatillugu anngunniunnissai Københavnimiit 250 km-nik ungasitsigisumi aatsaat ingerlanneqarsinnaapput.
Qallunaat EM-imut anngunniullutik Liechtensteinimut unammilerunik isiginnaartoqaratik unamminissaat pillaatisiaralugu aamma aalajangerneqarpoq.
Kiisalu malunginiaqquneqarpoq Det Danske Spil – Tipserluni eqquiniaatitsinermi – akiliutaasimasut unamminissani utertiortorneqarmata taamaattumillu kajumissaarutigineqarpoq tipsersimasut pisiniarfik pisiffigisimasartik attaveqarfigissagaat, kupongit misissorneqarnissaat pillugu.
