Danskit suliffeqarfiutaat kisermaassillutik naalakkersuisunik tapersersuipput
Soraarnerussutisiaqalernissamut Aningaasaateqarfik, ATP, uuliamik nioqqutilinnut, Burmami suliffeqarfiutilinnut, aningaasaleeqataasartoq sapaatip akunnerani kingullermi paasineqarpoq.
Soraarnerussutisiaqalernissamut Aningaasaateqarfik taamatut aningaasaliisartuni kisimiinngitsoq ileqqorissaarnissaq anguniarlugu alapernaattunit Danwatch-imit paasineqartoq, aviisimi Børsenimi allaaserinnittoqarpoq.
Danwatch-imit aamma paasineqarpoq, aningaaserivissuit Danske Bank aamma Nordea kiisalu soraarnerussutisiaqalernissamut aningaasaateqarfiit arlallit Burmami uuliamik nioqqutilinnut aningaasaleeqataasartut.
Danskit suliffeqarfiutaat arlallit uuliamik nioqqutilinnut Total aamma Chevronimut, koruunit milliardit marluk pallillugit Burmami aningaasaliisartut, Børsen allappoq.
