Danskit suliffeqarfii saffiugassanik qaqutigoortunik soqutiginnipput

Saffiugassat qaqutigoortut pillugit EU-p Nunatsinnik isumaqatigiissuteqarnissaata iluatsinnissaa, Danmarkimi inuussutissarsiortut kissaatigeqaat. Aviisimi Aarhus Stiftstidendemi tamanna allaaserineqarpoq.

Suliffeqarfissuaq Grundfos, ilaatigut pumpenik tunisassiortuusoq, suliffeqarfiit saffiugassanik qaqutigoortunik pinngitsuuisinnaanngitsut ilagaat.

- Saffiugassat tamakku pissarsiarisinnaanissaat pingaartuuvoq. Nunarsuarmi tamakkuninnga tunisassiornerup 97-98 procentia Kinap tigummimmagu ajornartorsiornartuuvoq, taamaattumik tamatumunnga suliniutit tamarmik tikilluaqqunarput, taamaalillutimmi pissarsiarisinnaanissaat ajornannginnerussammat, Grundfos-imi pisortaq Carsten Berg Aarhus Stiftstidendemut oqarpoq.

Aamma ingerlatseqatigiiffik Dansk Industri EU-p isumaqatigiissuteqarnissaanik aamma neriuuteqarpoq. Matumani saffiugassanut qaqutigoortunut atatillugu kisermaassipajaarluni ingerlatsineq EU-p unitsissinnaassagaa neriuutigineqarluni, tassani tamakkuninnga tunisassiornerup 97 procentia Kina-mit tigummineqarmat.

Suliffeqarfiit allat saffiugassanik qaqutigoortunik atuisut tassaapput anorisaatiliorfiit Siemens aamma Vestas, oqarasuaatinik angallattakkanik tunisassiorfiit aamma biilinik innaallagissamoortunik tunisassiortut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat