Danskit savalimmiormiunut qanigisaqassusermik misigisimanngillat
Ministeriunerup Folketingip oqaluttarfiatigut danskit Savalimmiormiullu akornanni qanimut attaveqaqatigiinnerat - oqaatsit tusarnersaakkat atorlugit -eqqartuleraangagit, tamanna danskinit inuinnarnit ilisarineqarneq ajorpoq, taama oqarpoq Tina Adele Hansen, Københavnip Universititiani naalagaaffeqatigiinneq pillugu ilisimatusaatigalugu misissuinerminik atatillugu saqqummiisoq.
- Apersorneqartut arlallit Savalimmiut sumiittulluunniit naluaat. Uissuumminartunik nutaarsiassaqartillugu, soorlu niisarnanik piniartoqartillugu imaluunniit arnaqatiminnik / anguteqatiminnilluunniit atoqateqartarneq oqallisaaleraangat aatsaat Savalimmiut tusaamaneqalertarput, Tina Adele Hansen Ritzauimut oqarpoq.
Savalimmiormiut naalagaaffeqatigiinnermut ilaanerat Danmarkip avammut isigineqarneranut nukittorsaaqataavoq, minnerunngitsumik Nunat Killiit Illersoqatigiiffianni pingaaruteqarluinnartuulluni, Tina Adele Hansen taama naliliivoq.
