Danskit sakkutuuinik ullumi toqutaasoqaqqippoq
Danskit sakkutuui marluk Afghanistanimi ullumi toqutaapput.
Allattoq Elisa Isaksen
Sakkutuut Afghanistanip kujataani qooqqumi suliaqartillutik Talebaninit eqqaanneqarlutik toqunneqarput.
Danskit sakkutuui qulimiguulimmik ingerlaannartumik tammaarsimaffiliaanneqarput. Sakkutuut taakku marluusut aappaa aallaaneqarnermi kingorna ingerlaannarluni toquvoq, aappaalu tammaarsimaffiliaanneqareerluni ikilerneqarnini toqqutigaa.
Danskit sakkutuuisa marluk toqutaanerat pissutigalugu Folketingimi ammaanersiorluni ullumikkut oqallinneq unitsinneqarallarpoq.
Danskit sakkutuui katillugit qulingiluat Afghanistanimi eqqissisaaniartillutik toqutaapput, ukiormanna arfinillit toqunneqarlutik.