Danskit pilluarnerpaatut ilisaritinneqarput
Nunarsuarmi inuit pilluarnerpaat Oprah Winfrey aallakaatitassiamini ilisaritikkamigit qiimmaqaaq. Sikkilit, erninermut atatillugu sulinngiffeqarneq, akeqanngitsumik nakorsiartarneq, akeqanngitsumik ilinniartitaaneq kiisalu suliffissaaleqinermi ikiorsiissutit, taakku tamakkerlutik USA-mi tusarneqartanngillat. Nunami tassani angerlarsimaffeqanngitsutut aqqusiniinnarmiilertoqartanngilaq, Oprah ikasarpoq. Allaammi danskit akileraartarnerat qaffaseqisoq amerikamiunik kikkuugaluanik qunullertitsisinnaasoq nersualaarneqarpoq. Kusanarsarluarsimasorlu kajortunnguaq saattunngorlugu kilitaq "råbrød", iffiaq aliikkusersuinerup naanissaata tungaanut Oprah-p sanianiippoq.
Danskit akuttat isikkuminartut Oprah Winfrey ajuutigineqarput, pisumilu ataatsimi taamaallaat danskit isikkuminarnerat akornuserneqangajappoq. Taartunik nujallit takuakka Oprah tupaallassimarpalulluni oqarpoq. Taakku danskiugunanngillat, Nanna akutaasoq danskiusorlu qungujulalluni oqarpoq. Aap silarsuarmi pilluarnersaavugut. Claus Fahrendorff Washington D.C.-imiit ilanngutassiamini taama oqarpoq.
Oprah Winfrey nittartakkamini aamma Danskinut pilluartunut amerlasuunik nersualaarinnippoq.
