Danskit nunarsuarmi inuianni pilluarnerpaat pingajoraat
"World Happiness Report" suliniaqatigiiffiup SDSN-ip saqqummersittagaraa, ukioq manna Finland siuttunngorpoq, Norge aappaattut inissittoq, Danmarkilu siorna aappaattut inissisimariarluni ukioq manna pingajuattut inissilluni.
SDSN Naalagaaffiit Peqatigiit 2012-imi pilersippaat, siunertaraalu nunarsuarmi inuiaqatigiinni naligiinneq tatiginninnerlu nalilersortissallugit.
Nunat Avannarliit nunallu Europamiittut qaffasinnerpaamik inissittarput. Siulliit pingasuniit sinneri misissoraanni takuneqarsinnaapput Island, Schweiz, Holland, Canada, New Zealand, Sverige aamma Australien.
Nunat katillutik 156-it peqataasimapput.
Nunanut naqqanut inissittunut ilaapput Burundi, Sudanip kujataa aamma Tanzania.
Europamiuni Ukrainimiut pilluannginnersatut normu 138-imi inissipput.
USA normu 14-ioriarluni maanna normu 18-imut inississimavoq.
2012-imi nalunaarusiortoqartalermalli USA pilluarnerpaat qulit akornannut inissinngisaannarsimavoq.
/ritzau/
