Danskit naalakkersuisuisa Danmark poorskip kingorna arriitsumik ammariartoqqinniaraat

Danmark poorskip kingorna mianersortumik ammaqqissaaq, ministeriuneq, Mette Frederiksen (S) tusagassiortunik ataasinngornermi unnukkut katersortitsinermi oqarpoq.

Kikkulli tamarmik imminnut ungasillisimaaginnarnissaat, errortorluartaannarnissaat eqimattanilu angisuuni ataatsimuunnginnissaat naatsorsuutigineqarpoq.

Ministeriunerup Danmarkip poorskip kingorna appaqqinnissaa pillugu siullermik sapaatip-akunnerata ataatsip matuma siorna oqaaseqarpoq.

AAMMA ATUARUK Danmarkimi coronavirusimik toqquteqartut maanna 187-iusut

- Sapaatip-akunnerata ataatsip matuma siorna maani isumaqatigiissuteqarpunga: Coronamik tunillatsissimallutik napparsimmavimmut unitsinneqartut amerliartorunnaarpata inuillu imminnut ungasinniaannarpata taava poorskip kingorna Danmark mianersortumik nakkutiginnittumillu ammaqqissinnaassavarput.

- Pissutsit ilungersunarput, napparsimmavimmulli unitsinneqartut amerliartunngillat, Mette Frederiksen oqarpoq.

Mette Frederiksenip naalakkersuisut ammaaqqinnissamut pilersaarutaannik Folketingimi partiinut saqqummiussereerneranni tusagassiortunik katersortitsisoqarpoq.

/ritzau/