Danskit naalakkersuisuisa aningaasanoornermik ingerlatsisut uppernarsaateqartitsisalersinniaraat

Timersornerup silarsuaani aningaasanoorluni eqquiniaanermi spilkortimik kinaassutsimik takutitsisumik inuit peqartariaqalernerat, Danske Spilip saqqummiutereeraalu, akileraartarnermut ministeri Morten Bødskov taama oqarpoq.

- Ajornartorsiutit aaqqiivigineqarnissaannut aningaasanoortitsisut akisussaassuseqarlutik namminneq aaqqiiniarnerat pingaaruteqartippara, Spilkortimillu eqqussinermikkut Danske Spil maanna taamaaliorpoq, akileraartarnermut ministeri taama allaaserisaqarpoq.

Inuit 18-iliisimanngitsut aningaasanoorlutik eqquiniaasarnerat taamaasilluni unitsinniarneqarpoq.

Aqussinnaanngisamik aningaasanoorajunnermik katsorsaasarfiup, Center for Ludomanip, pisortaata Michael Bayip, tamanna nuannaarutigaa:

- Alloriarneruvoq pitsaasoq. Iliuuseqartoqarnera nuannaarutigaara, inuusuttummi aningaasanoorutillu imminnut attuumassunngillat, Center for Ludomanip pisortaa Michael Bay oqarpoq.

Inuusuttut, assersuutigalugu Oddset aqqutigalugu unioqqutitsillutik aningaasanoortartut, kinaassutsimik takutitsisumik Spilkorteqartalernissamik piumasaqalernikkut ikilinissaat, Danske Spilip neriuutigaa. Michael Bay taama oqarpoq.

Spilkortip ilusissaa aqunneqarnissaalu, Danske Spilip suli inissivinngilaa, kortimilli tunniussinikkut, assersuutigaluguluunniit Danske Spilip nittartagaatigut eqquiniaraanni kinaassutsimik uppernarsaammik App-ikkut peqartalernissaq Danske Spilip sulissutigaa.

Spilkortip nutaap ukiup tulliuttup ingerlanerani piareernissaa Danske Spilip naatsorsuutigaa.