Danskit naalakkersuisui allanngortinneqalersut
Ministeriunerup Lars Løkke Rasmussenip partiit Liberal Alliance aamma Det Konservative Folkeparti nutaanik naalakkersuisunngortitsinissaq pillugu ullumikkut, nunatsinni nalunaaqutaq malillugu nalunaqaq tallimanut, ataatsimeeqatigissavai.
Tamanna Københavnip avannaatungaani Marienborgimi pissaaq.
Partiit talerperliit ataqatigiinnerat nukittorsarniarlugu naalakkersuisooqatigiit ilarusullugit Lars Løkke Rasmussenip sapaatit-akunnerata naanerani nalunaarutigaa.
Liberal Alliancep De Konservativellu ministeriunermit ataatsimiigiaqquneqarnertik akueraat Dansk Folkepartiilu naalakkersuisunngortitsinissamik isumaqatigiinniarnernut qaaqquneqarsimanngilaq.
Naalakkersuisooqatigiilli nutaat toqqammavissaata iluatsiniarnissaanut arlalinnik aporfeqarnissaa ilisimagineqarpoq.
Ilaatigut akileraarutinik appaanissaq, avatangiisit pillugit inatsisit sukannernerusut kiisalu Illersornissamut qullersaqarfimmut aningaasaliissutit amerlanerusut.
