Savalimmiuni tikinnermi coromut misissortinnissaq, misissortinnerullu akissutersinissaata tungaanut angerlarsimaffimmi akunnittarfimmiluunniit utaqqinissaq piumasaqaataavoq.Assi: Erik Cleves Kristensen/Flickr

Danskit inuusuttut tallimat Savalimmiunukariarlutik toqqaannartumik illoqarfiliartut

Savalimmiormiut politiivisa danskeq ”artuleqqajaasoq” akunnittarfimmukaattariaqaraat. Savalimmiormiut lagmandiata iliuuserineqartoq ataqqinninnginnerarpaa.

Angutit inuusuttut tallimat Danmarkimiiit tallimanngormat Savalimmiunukartut mittarfimmiit toqqaannarlutik Thorshavnimi illoqarfissiorput.

Taakku tikinnerminnit ulluni arfininni immikkoorsimanissamut innersuussutinik malinninngillat. Savalimmiuni politiit pisortaat, Michael Boolsen oqarpoq.

- Inuusuttunik aalakoortunik illoqarfissiortoqarpoq, paasissutissaatigullu naapertorlugit taakku tallimanngormat tikipput, taakkulu annerusumik minnerusumilluunniit illoqarfissiorsimapput, taamaalillutillu innersuussutinik malinninnatik.

- Angutit inuusuttut ilaat aqqusinermi artuleqqagaasoq pillugu nalunaarfigineqarnitsigut pissutsit ilisimalerpagut. Taanna akunnittarfimmut ingerlattariaqarparput, Michael Boolsen oqarpoq.

Savalimmiuni tunillatsissimasoqanngitsoq

Savalimmiuni tikinnermi coromut misissortinnissaq, misissortinnerullu akissutersinissaata tungaanut angerlarsimaffimmi akunnittarfimmiluunniit utaqqinissaq piumasaqaataavoq.

Tamatuma kingorna ullut arfinillit qaangiunnissaannut, nutaamillu misissortinnissap tungaanut allanut akulerutinnginnissaq innersuussutaavoq. Misissortinnermi tassani tunillatsissimannginneq uppernarsarneqarpat angalasoqarsinnaanngussaaq.

Innersuussutinik malinninnginnermi inatsisinik unioqqutitsisoqannginnera pissutigalugu politiit suliamut atatillugu allamik iliuuseqarsinnaanngillat.

AAMMA ATUARUK Savalimmiut: Coronamik Brasiliami allanngortumik Savalimmiuni ataaseq tunillatsissimasoq

Savalimmiuni tunillatsissimasut ikiliartornerat ilutigalugu Savalimmiuni coronavirusimik tunillatsissimasutut tallimanngormat allattorsimasoqarunnaarpoq.

Savalimmiuni Danmarkimisulli killilersuisoqanngilaq, neriniartarfiit imerniartarfiillu taamaammat ammasinnaapput.

Naak inuusuttut inatsimmik unioqqutitsinngikkaluartut, Michael Boolsenip taakku iliuusaat isornartorsiortorujussuuai.

- Tamanna pissusilersuuteqarnerlunneruvoq. Innersuussutit inuiaqatigiinnut ataatsimut illersuiniarnerupput, inuilli ataasiakkaat malinninngikkaangata inuiaqatigiit tamarmik tunillatsissinnaanermut aarlerinartorsiortinneqartarput, Michael Boolsen oqarpoq.

Ataqqinnissuteqanngitsumik iliuuseqarneq

Savalimmiuni naalakkersuisut siulittaasuata, lagmandip, Bárður á Steig Nielsenip danskit inuusuttut innersuussutinik malinnginninnerat pissutigalugu ataqqinninnginnerarpai.

- Corona pillugu periusissiarput tatiginninnerput malillugu suliaraarput, innersuussutillu taakku tallimanngormat tunillatsissimasuerunneranut sunneeqataapput.

- Taamaammat Savalimmiuni pissutsit pitsaasut atornerlunneqarnerat ataqqinninnginneruvoq, Bárður á Steig Nielsen oqarpoq.

Taassuma Savalimmiunut tikittut mattusimanissaanut inatsisiliornissaq atuutilersikkusunnginneruaa.

- Savalimmiunukarnissamik isumaliutersuuteqartut tamarmik malittarisassat allassimasut allassimanngitsullu pigisagut ataqqissagaat neriuutigaara, lagmand oqarpoq.evne og uskrevne regler, vi har, siger han.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat