Danskit inuusuttut ornittagarisimasaat Lego-nik sanavaa
Inuusuttut Københavnimi Nørrebromi ornittagarisimasaat Ungdomshuset maanna pilerseqqinneqalerpoq, tamatumuuna legot atorlugit.
Allattoq Lotte Holm
februaarip 20-at 2009 10:25
Assiliartalersuisartup 35-nik ukiulllip, Ulrik Hansenip, legot 2500-t atorlugit Ungdomshuset qaammatini pingasuni sananiarsaraa.
Legonik sanaaq peqqissaarussullugu suliaavoq, ujaqqanillu aqquserniassat allaat takuneqarsinnaapput, borgmesteriunerlu Ritt Bjerregaard inuusatut ilusilersugaq ilaatinneqarluni.
Illu Ungdomshuset legot atorlugit Ulrik Hansenip sanarusussimavaa, illup pineqartup oqaluttuassartaa pissanganaqimmat legot atorlugit pilerseqqinneqarnissaa pingaartillugu.
- Ataqatigiissutsip pingaassusia sulianni ersersinniarsaraara, Ungdomsguset pillugu akerliussutsiminnik takutitsisut matumani pingaartillugit, Ulrik Hansen nassuiaavoq.
