Danskit ilagiit aaqqissuussaanerat inunnik immikkoortitsinngilaq
Danskit ilagiit aaqqissuussaanerat inunnik immikkoortitsinngilaq inuillu pisinnaatitaaffiinut akerliunani, Danmarkimi Eqqartuussiviit Qullersaat Nunap Immikkoortortaani Eqqartuussiviup siornatigut aalajangiisimanera naqissuserlugu taama ullumi aalajangiivoq.
novembarip 05-at 2007 14:53
Katuullip, Jyllandip avannaaneersup, Nathem Kozap, panissaarami danskit ilagiit aqqutigalugit panini inuit allattorsimaffianni aatsaat allatsissinnaagamiuk, periuseq inunnik immikkoortitsinerunerarlugu 2003-mi unnerluussivoq.
Katuuleq – allallu tamarmik ilagiinnut ilaasortaanngitsut - akileraartarnermikkut Ilagiit upperisarsornerannut pinngitsaalisaallutik, soorlu biskoppit, provstit palasillu aningaasarsiassaannut akileeqataasarnerat, Eqqartuussiviit Qullersaata akornutissaqartinngilaa.
” Danmarkimi upperisarsioqatigiit assigiinngitsut naligiissitaanissaannut Katuullit suliniaqatigiit” misiliutigalugu pineqartut eqqartuussisutigoortissimavaat.
