Danskit filmiliaat "Frygtelig lykkelig" nersornaaserneqarpoq
Danmarks Film Akademi nersornaatinik Robertprisinik ukiormanna tunniunneqartussanik, qallunaat filmiliaat ”Frygtelig lykkelig” - ”Pilluangaarneq”-mik nutserneqarsinnaasoq arfineq-marlunnik akissarsitinneqarluni ajugaarujussuarpoq.
Allattoq Lotte Holm
februaarip 02-at 2009 08:06
Ippassaq unnukkut nersornaasiinermi ”Frygtelig lykkelig” filmitut nuannarineqarnerpaatut, pikkorissumik ilitsersuisoqarsimasutut najoqqutassarissaarnerpaatullu ilaatigut akissarsitinneqarpoq. Filmit ”Flammen og Citronen” aamma ”To verdener” arlalinnik akissarsitinneqartunut aamma ilaapput.
Lotte Svendsenip filmiliaa ”Max Pinlig” Meeqqanut Inuusuttunullu filmitsialattut akissarsitinneqarpoq, svenskillu filmiliaat ”Maria Larssons evige øjeblik” amerikamiuunngitsut filmiliaattut pitsaanerpaatut akissarsitinneqarluni. Amerikamiut filmiliaanni akissarsitinneqartussatut toqqagaavoq filmi ”No Country for Old Men”. Danmarks Film Akademi, Robert-prisinik 25-ssaa agguaavoq.
