Danskit coronavirusimut nakorsaatitut misileraatigisaat unitsinneqarallartoq

Napparsimasunik nakorsaat iisartagaq, hydroxyklorokins atorlugu Covid-19-imut nakorsaatitut misileraanerit tallimat unitsinneqarallassapput.

Nakorsaateqarnermut Aqutsisoqarfik tusagassiuutinut taama paasissutissiivoq.

Misileraanermik unitsitsineq coronavirusimik napparsimasut 96.000-it misissuiffigineqarneranni iisartagaq coronamik napparsimasunut iluaqutaasumik sunniuteqannginneranik pissuteqarpoq.

Misileraaneruttaaq hydroxyklorokin napparsimasunut sunniuteqarnerlussinnaasoq takutippaa.

Covid-19-imik napparsimasut iisartakkamik nakorsaaserneqartut toqunissaannut aarlerinartoqarnerulerneratigut uummatikkullu ilungersunartumik napparsimalernerannik sunniuteqarnerlussinnaavoq.

Nakorsaateqarnermut aqutsisoqarfiup misileraaffigineqartut tallimat misileraaffigineqaqqilissanersut nakorsaatigineqartup misissorluarneqareerneratigut aalajangiiffigissavaa.

/ritzau/