Danskit arsaattartui kanngusuusaarnarineqartut
Morten Olsenip nunarsuarmi pissartanngorniunnermi angusatik soorunami pakatsissutigai, oqarporli tusagassiuutinit sammineqarnertik suli pakatsinarnerusimasoq.
- Paasivara, arsaattartuvut "kanngusuusaarnartutut" taagorneqarsimasut, uangami taama isumaqanngilluinnarpunga. Kanngusaanngillat, Frankrigimuku arsartartui kanngusaartut, Morten Olsen TV2-mut oqarpoq.
Taama oqarnermini eqqarsaatigaa aviisit arlallit, ilaatigut B.T.-p timersornermut aaqqissuisuata Jacob Staehelin-ip Danmarkip arsaattartuisa angusaata nallinnaannarneranik allaaserisaa.
Berlingske Tidende-p timersornermut aaqqissuisuata Flemming Fjeldgaardip aamma qulequtsiorsimavoq oqaasertalerlugu "Pinligt, Danmark" - "Kanngusuusaarnaq, Danmark".
Dennis Rommedahl aperineqarami nammineq tusagassiorfiit uumiginerai akivoq.
- Naluara. Ilami aamma ilissi ilaanni uumisuppasittarassi. Tassa taamaappoq, Dennis Rommedahl Sporten.dk-mut oqarpoq.
Danmarkip arsaattartuinut aamma Nunatsinni uparuartuisoqarpoq. Sermitsiaq.ag Danmark VM-imit animmat allappoq "Pinlig dansk exit fra VM", kalaallisuunngortissimanngimmassuk immaqa nutsersinnaavarput ima: Danskit VM-imit aninerat kanngusuusaarnarpoq.