Danskit aallartitaat ataatsimeersuarnermit anipput
Ullumi ammip qalipaataanik immikkoortitsisarneq pillugu Geneve-mi ataatsimeersuarnermi danskit aallartitaat ataatsimiiffimmit anisimapput.
Allattoq Jaaku Lyberth
Tamatumunnga peqqutaavoq Iran-ip præsidentia Ahmadinejad oqalugiartoq akerliuffigigamikku. Oqaluttarfimmit sakkortuuliorluni Israel tassaanerarpaa ammip qalipaataanik immikkoortitsisutut, peqqarniitsumillu naqisimannilluni aqutseriaasilittut taammagu.
Maannali oqaatigineqarpoq europamiut aallartitaat ataatsimiiffimmut uteqqissimasut, danskilli nunanut allanut ministeriata Per Stig Møller-ip oqaatigaa Israel-imiunut akeqqersortoqaannarpat danskit aallartitaat ataatsimiiffimmit qimagussinnaasut.