Danmarkimi immiaaqqanik maqitsivissuit aatsaat taama tunisassiortigaat. Ukioq manna immiaaqqanik maqitsivinnik 22-inik nutaanik ammaasoqarpoq, immiaaqqallu nutaat assigiinngitsut 470-it tunisassiarineqalerput.
Danskit immiaaqqiorfii ukiut tallimat matuma siornagut 19-iusimasut massakkut 85-iupput, Tysklandimi immiaaqqiorfittulli amerlatigilersimallutik.
-Immiaaqqanik tunisassiorneq ineriartupiloorpoq. Namminersorlutik tunisassiorusuttut imaaginnavipput, Danmarkillu Beercon Valley-mik massakkut oqaatiginiarneqartarnera asuliinnaanngilaq, immiortut peqatigiiffianni siulittaasoq Niels Hald unnersiorpoq.
Immiorfeeqqat amerliartupilooraluartut suli akiliisinnaajunnaarluni matusoqanngilaq, qanittukkullu akiliisinnaajunnaartoqarnissaa aamma aarleqqutigineqanngilaq.