Danskeq qaqqasiortartoq ajunaartoq kiisami aaneqarpoq
Danskeq 21-nik ukiulik Australiami qeqertat ilaanni Cradle Mountainimi qaammatip ataatsip matuma siorna qaqqasiortilluni ajunaarpoq, taassumalu timaa timmisartoq annaassiniut qulimiguulik atorlugu qaqqap salliarnartaaniit ullaaq manna aaneqarsinnaasimavoq.
aggustip 13-at 2007 05:37
Angut juulip aallartilaarnerani periarfeerunneqarpoq, timaalu qaqqap sivinganertaaniittoq aggustip ulluisa aallaqqaataanni sumiissusersineqarpoq.
Danskeq qaqqap 1.500 meteriusup qaavaniit 100 meterit missaanniissimavoq, kisianni timaa taamanimiilli silarlunnera pissutigalugu aaneqarsinnaasimanngilaq. Ullaaq-manna aatsaat erseqqarimmat anoreqarpiarnanilu timaa aaneqarsinnaasimavoq.
Qaqqasiortartup timaa Tasmaniap illoqafiisa pingaarnersaannnnukaanneqarsimavoq, tassa Hobartimut, tamaanngaanniillu Danmarkimut ingerlanneqarumaarluni.
