Danskeq Greenpeacermiu iperagaassaaq
Sankt Petersborgimi eqqartuussivik ippassaq pingasunngornermi aalajangiivoq qularnaveeqqusiinikkut iperagaasinnaasoq.
- Anne Mie ilaqutaalu sinnerlugit eqqissiallaqaanga nuannaarlungalu. Anne Mie pinerluuteqarsimanini russit parnaarussivianni qaammatini marlunni sivisoqisuni parnaarussaaqqasimavoq, Jon Burgwald, Greenpeacemi Issittoq pillugu akisussaasoq oqarpoq.
Danskip arnap iperagaanissaanut qulanaveeqqutissat 340.000 koruunit avatangiisinik illersuiniaqatigiiffiup akilerniarlugit piareersimavoq, iperagaanissaanulli piumasaqaataasut suli ilisimaneqanngillat.
Taamaammat danskeq arnaq illumit aneqqusaassannginnersoq, killeqanngitsumik angalasinnaassanersoq, ilaquttaminik pulaartoqarsinnaassanersoq imaluunniit Ruslandimiiginnassanersoq Greenpeacep nalugallarpaa. Passiami russit oqartussaasuisa paarivaat.
Perulluliorsimasutut unnerluutigineqarnera attatiinnarneqarpoq, ukiunllu arfineq-marluk angullugit parnaarussaassutigisinnaallugu, akerliussutsimik takutitsisut 30-t tamaasa unnerluutigineqarnerisa taamaatinneqarnissaannik ilungersuuteqarnerpoq ingerlatiinnassavarput, Jon Burgwald oqarpoq.
Akerliussutsimik takutitsisut 30-iusut ilaat 18-it qularnaveeqqusiinikkut iperagaanissaat eqqartuussivimmit akuerineqarsimavoq.
