Amerikami qineqqusaartut Danmarkimi pissutsit oqallisigigaat
Senator Bernie Sanders, Demokraatini imminut socialistitut imminut taasartup, erseqqissaatigaa Danmark nunatut assigiinngitsutigut USA-p assiginiartariaqaraa.
- Nunat Danmarkitut, Sverigetut Norgetullu ittut takusigit. Nunat taakku ilinniarfigisariaqarpagut
Sanders ernisimanermi sulinngiffeqarnermut inatsisit, naligiinneq inuttullu atugarisat pillugit tikkuartuivoq.
Taamatut oqaaseqarneq præsidentimut piukkunneqartup Hillary Clintonip ingerlaannaq qaqippaa.
- Isumaqarpunga senator Sandersip oqaatigisaa, isumalerujussuusoq, nunatsinni naligiinnginnerujussuaq eqqarsaatigigaanni. Danmarkiunngilagut. Danmark nuannaraara. Kisianni uagut Amerikami Naalagaaffeqatigiiuvugut, Hillary Clinton oqarpoq.
Qineqqusaartut tallimaallutik erseqqissaatigaat, silaannaap allanngoriartornera nunarsuarmi unammillernarnersaasunut ilaasoq. Tassanilu Hillary Clinton silap kissatsikkiartornera pillugu Københavnimi 2009-mi ataatsimeersuarnermi iluatsitsinngitsoorneq tusaqqusaarutigaa.
