Filmiliassami Issittumi pisumi qallunaaq pingaarnertut inuttaalersoq
Taassuma Issittup ilaani unittooqqanera filmiliassami qitiussaaq, filmilu piareersarneqalereersoq, USA-mi tusagassiorfiit ilaata Deadlinep allaaseraa.
Mads Mikkelsenip inuttaaffigisaa Issittup ilaani ingerlariaqqissinnaajunnaaqqavoq, annaassiniartoqalermalli aamma ajutoortoqarluni.
Annaassiniartoqarnerata nalaani ajutoortoqarnera pissutaalluni annaanneqarsinnaanissamut periarfissat annikillisutut ipput. Mads Mikkelsenillu taava aalajangertariaqalerpaa sumiiffimmini uninngaannassanerluni, ingerlaqqissanerluniluunniit.
Filmi pissanganartuliaq "Arctic", USA-mi filmiliortartoqatigiinnit marlunnit Islandimi filmiliortartoqatigiinnik suleqateqarlutik suliarineqassaaq. Filmiliassarlu qaqugu takuteqqaarneqassanersoq suli ilisimaneqanngilaq.