Dansk Folkepartiit Lene E. iluarinngilluinnarpaat
Lene Espersenip napparsimmavinnut namminersortunut akilersuisarneq pillugu Folketingimi apeqqummut eqqortumik naammaginartumillu akissuteqarsimannginnini pillugu ullumi allakkatigut ajuusaaruteqarpoq.
Lene Espersen naalakkersuisunik artorsartitsinersoq apeqqummut Dansk Folkepartiip Folketingimi ilaasortaatitaasa siulittaasut Kristian Thulesen Dahl aperineqarami ima akivoq:
- Naalakkersuisut maannakkorpiaq artorsartippai, Kristian Thulesen Dahl oqarpoq.
Lene Espersenip allakkanik suliamut taasami imminnut assortuuttunik nassuiaaniaraluarnini iluarsiniartariaqalerpaa taamaammallu artorsartitsilersutut isigineqarluni.
Tusagassiortumik sapaatit akunnerata siuliani apersorneqarluni oqarpoq ministeri piumasaminik akisinnaasoq. Akissut taamaattooq Dansk Folkepartip iluarinngilluinnarpaa.
Aammali Lene Espersenip partiiata sapaatit akunnerata naanerani ataatsimeersuarneranit nalunaarutaasunut tunngavoq. Det konservative Dansk Folkepartiillu naalakkersuisooqatigiilernavianngitsut aamma soraarnerussutisiaqartarnerup allanngortiterneqarnissaa Espersenip tallimannormat oqaatigaa.
Dansk Folkepartiimiittut naalakkersuisooqataalersinnaanerannut apeqqut pillugu Lene Espersen torralaavallaarnani saqqummiussivoq. Naalakkersuisooqataalernissaq allanngortiterisoqarnissaalu Dansk Folkepartiimiut oqallisigerusuppallaanngilaat.
Tassalu Espersenip akissuteqariaraluarnera Folketingip siulittaasoqarfiata oktoberip 13-ianni aalajangiiffigisussaavaa., taannalu pisoq Dansk Folkepartiip taamaammat suli uummarissartartussaassuaa. Taava statsmnisteri, Lars Løkke Rasmussen, aqagu ammaanersiorluni oqalugiaruni allanngortiterinissamut tunngasut nipiangiussimaarumaarai Dansk Folkeparti Venstrekkormiullu neriupput.
Aammali aningaasanut inatsisissap isumaqatigiinniutigineqarnerani Dansk Folkeparti akiniaasinnaapput Espersenimullu tassuuna akisunaarterujussuarlugu.
