Danmarkip timmisartunik sorsuutinik Ukrainemut tunissuteqarnera Ruslandip assuarigaa
Danmarkip sorsuutinik F-16-inik 19-inik Ukrainemut tunissuteqarnera, Ruslandimit arlaannaatigulluunnit iluarineqanngilaq.
Danmark Ruslandip Danmarkimi ambassadørianit Vladimir Barbinimit taama ilisimatinneqarpoq.
- Danmark timmisartunik sorsuutinik F-16-inik 19-inik Ukrainemut tunissuteqarnissamik aalajangernera aqqiaggiinnerulersitsinissamik kinguneqassaaq, Barbin allakkatigut oqaaseqaamini allappoq.
Danmarkip timmisartunik sorsuutinik Ukrainemut tunissuteqarniarnera Ukrainemiut præsidentiat Volodymyr Zelenskyj Danmarkimut sapaammi tikimmat nalunaarutigienqarpoq.
Volodymyr Zelenskyj maanna Christiansborgmi Folketingemiippoq.
Timmisartut sorsuutit F-16-it arfinillit siulliit ukiortaami tullii arfineq pingasut 2024-mi Ukrainemukartinneqassapput, sinnerilu tallimat 2025-mi.
Timmisartut taakku Ukrainemi Ruslandimiunngitsorlu atorneqarnissaat piumasaqaataasoq, illersornissamut ministeri Jakob Ellemann-Jensen oqarpoq.