Danmarkimut nooqquneqarnerminut qujaannarpoq
Somaliami inunngorsimasoq Ayaan Hirsi Ali Danmarkimi kulturimut ministerip Brian Mikkelsenip Danmarkimut nooqqusineranut qujaannarsimasoq Nyhedsavisen allaaserisaqarpoq.
Allattoq Elisa Isaksen
- Ayaan Hirsi Ali, Brian Mikkelsenip neqeroorutaanut tulluuttorujussuuvoq, tamannalu sapiisernertut isigaa, taamaattorli USA-mi suliffini uterfigerusunneruaa, tusagassiuutinut oqaaseqartartua oqarpoq.
Sapaatip akunnerani kingullermi Holland aalajangerpoq, arnap taassuma isumannaatsuunissaa akilerumanagu, arnarmi taanna USA-mi najugaqarmat. Hirsi Ali 2004-mili politiinit paarineqarluni inuuvoq.
Taassuma filmi oqallisaaqisoq ’Submission’ allagaraa, filmillu ilitsersuisua muslimimit ingasattajaarniamit toqutaanikuuvoq.