Danmarkimut ajoraluartumik inissinneqartarput
Eqqarsartaatsimikkut kinguarsimasunik Danmarkimut inissiisariaqartarneq Namminersornerullutik Oqartussaniit pinngitsoortinniarneqartarpoq. Taamaakkaluartoq Kalaallit Nunaanni innarluutilinnut matoqqasumik angerlarsimaffeqannginnera peqqutaalluni Danmarkimut inissiisoqartariaqartarpoq.
Allattoq Louise M. Kleemann
- Angerlarsimaffiit matoqqasut neqeroorutigisinnaanngikkallarpavut. Taamaattumik eqqarsartaatsimikkut kinguarsimasut ajoraluartumik Danmarkimut inissinneqartarput, Ilaqutariinnermut Peqqissutsimullu Naalakkersuisoqarfimmi pisortaq Martha Lund Olsen oqarpoq.
Kalaallit innarluutillit 105-it Danmarkimi najugaqarput taakkunannga amerlanerpaartaat eqqarsartaatsimikkut kinguarsimasuupput.