Danmarkimi unnuit sisamassaa perulluliortoqarpoq

Danmarkimi illoqarfinni arlalinni unnuit tulleriiginnaat sisamassaa eqqissiviilliortoqarpoq. Aarhusimi Københavnimilu containererpaalussuit ikuallatsinneqarput, Sjællandillu avannaani Kokkedalimi biilit ikuallatsinneqarlutik.

Aarhusimi qatserisartut nunasisunit inuusuttunit ujaqqanik nunniuutinik seqqortartunillu saassunneqarput, aviisimi Jyllands-Postenimi taama allaaserinnittoqarpoq.

Politiit eqqissiviilliorfiit qimannaveersaaqqissaarpaat inuillu qanillattoornaveersaartillugit.

Københavnissaaq sumiiffinni assigiinngitsuni ikuallatsitsisoqarpoq, soorlu Folehavenimi, Valbymi Amagerimilu.

Sjællandip avannaani Kokkedalimi biilit ikuallatsinneqarput.

-Biilit tulleriiaaginnavillutik ikuallatsinneqaqattarput, allaanngilarlu pilersaarusiorluagaasimavoq, Sjællandip avannaani Helsingørimi Politiini pigaartoq, Henrik Hattel, oqarpoq. Biililli qasserpiaat ikuallannersut politiit maanna oqaatigisinnaanngikkallarpaat.

Politiit aama qularutiginngilaat Sjællandip qeqqani kitaanilu ikuallatsitsisoqarlunilu perulluliortoqalerumaartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat