Danmarkimi tikaagulliusaaq suli alla
Arfeq Storstrømmenip ikaartarfianiit kilometerit sisamat missaanni tissiartaammiittunit takuneqarfimminiit ungasitsigisumiippoq, taama dr.dk allappoq.
Thyge Jensen, Esbjergimi aalisarnermut umiartornermullu katersugaasivimmi pædagogi soraarneq aammalu hvaler.dk-mi aaqqissuisuusoq umiatsiap naalagaata nassuiaatai malillugit isumaqarpoq arfeq tikaagulliusaajussasoq.
Danmarkimi tusagassiorfiit tikaagulliusaaq kingulleq, naluneqanngitsutut Vejlep kangerluani ikkannissimasoq Danmarkip imartaanut pisoorsimasoq nalunaaquttat akunneri tamaasa malittarisimavaat.
Storstrømmenimi arfermik aatsaat taama angitigisumik takunnittoqarpoq. Ullut 14-it qaangiutiinnartut arfeq angisooq Samsøp eqqaani takuneqarpoq. Taannaasinnaavorlu arfeq Storstrømmenimiittoq.