Danmarkimi suliumajunnaarneq unilerpoq

Danmarkimi peqqissaasunut ikiortit meeqqerisullu ikiortaasa suliatik pillugit isumaqatigiinnginnerat suliumajunnaassutaasoq qaangiuttussanngorpoq.
Allattoq Najaaraq Egede
maajip 05-at 2008 05:24

Sulisut kattuffiat FOA kommunillu kattuffat isumaqatigiissummik nutaamik isumaqatigiissuteqarput.

Isumaqatigiissutigineqartoq, Kommunit kattuffiata siulersuisuinit sulisullu kattuffiata FOA-p siulersuisuinit akuersissutigineqartussanngorpoq, tamatumalu kingorna FOA-p ilaasortaanit taasissutigineqartussaalluni.

Isumaqatigiittoqarnerani FOA-mi ilaasortat akissarsiaat 35 millioner koruuninik amerleriassapput.

Nalunaaquttap akunnerini 19-ini isumaqatigiinniartoqareersoq isumaqatigiittoqarpoq.

FOA-mi ilaasortat suliatik apriilip ulluisa 16-anni unitsippaat suliumajunaarlutillu.

Isumaqatigiissutip oqaasertai FOA-mi siulersuisuunerit unnugu aalajangiiffigissavaat akuerineqarpatalu suliumannaarneq pingasunngornerup unnuaani unitsinneqassaaq. Tamatumalu kingorna ilaasortat isumaqatigiissut taasissutigissavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq