Danmarkimi suliffissaaleqinersiutinut ikaarsaarneq oqinnerulerpoq
Danmarkimi tunisassiorfissuarni assigisaannillu sulisitsisut sulisullu kattuffiisa isumaqatigiissutaat nutaaq atsiorneqarpoq.
Sulisut ukiut pingasut sinnerlugit sulereerlutik soraarsitaasut, akissarsiamik 85 procentii minnerpaamik qaammammi ataatsimi pissavaat. Ukiut arfinillit sulereerlutik soraarsitaasut, qaammatini marlunni taamak aaqqiivigineqassapput, ukiunillu arfineq pingasuni sulereerlutik soraarsitaasut, qaammatini pingasuni akissarsiamik 85 procentii tigusassallugit, taamaalillutik suliffissaaleqinersiutinut ikaarsaarneq oqinnerulissalluni.
Sulilerlaat sulilernerminniit qaammatit marluk qaangiukkaangata soraararnerussutisiassanik kalersuisinnaatitaalissapput. Siornatigut aatsaat qaammatini qulingiluani Sulereeraangamik soraarnerussutisiassanik kalersuilertaraluarput
Ataanngorumaartut meerartaarnermi sulinngiffiat sapaatip akunnerinik marlunnik sivitsorpoq. taakkua anaanaasumut sapaatip akunnera ataatsimik ataaaasumullu sapaatip akunnera ataatsimik avinneqarput. Ataatat tunisassiorfissuarni sulisut meerartaarnerminni sapaatip akunnerini pingasuni sulinngiffeqalertut, DR ilisimatitsivoq.