Danmarkimi Socialdemokratit SF-ilu suleqatigiissinnaanerarput

Folketingimut qinersinerup kingorna Socialdemokratit SF-ilu amerlanerussuteqassagaluarunik naalakkersuisooqatigiissinnaallutik ullumi nalunaarutigaat, aviisi Politiken taama allaaserisaqarpoq.
Allattoq Jaaku Lyberth
aggustip 28-at 2009 09:30

Socialdemokratit manna tikillugu Radikalinik naalakkersuisoqateqarnissaminnik soqutiginninnertik saqqummiuttaraluarpaat.

Socialdemokratit SF-illu politikkikkut soqutigisatik piffissami kingullermi saqqummiuttarpaat, ilaatigut nunat allamiut akileraartarnermullu tunngassuteqartut saqqummiuttarlugit.

Socialdemokratit SF-illu suleqatigiinnissaminnik aalajangernerat

Radiikalit siulittaasuanut Margrethe Vestagerimut ilisimatitsissutigineqarpoq, taassumali naalakkersuisoqataanissamut siunertaqarnini suli aalajangiusimavaa.

Naalakkersuisooqataanissamut suliniuteqarnerput allannguuteqanngilaq.

Folketingimi ilaasortat 90-iusariaqarput amerlanerussuteqarniaraanni.

Nunat allamiut pillugit apeqqutinik allannguisoqassappat taakku uanga suliassatut isigaakka, Margrethe Vestager oqarpoq. Akileraarutit pillugit apeqqutit pillugit allannguisoqassappat, taakkua SF-it Socialdemokratillu suliassaraat, Margrethe Vestager oqarpoq.

Aviisip Politikenip qinersisartunik isumasiuisitsinerata takutiippaa, Folketingimut maannakkut qinersisoqaraluarpat ilaasortat saamerliunerusut affaat Folketingimut qinigaassaluartut, Politiken allaaserisaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq