Danmarkimi Royal Run ingerlanneqarmat inuit 82.000-it peqataasut
Arpaqatigiinneq inunnit 82.000-init peqataaffigineqarpoq, illoqarfinnilu Aarhusimi, Aalborgimi, Københavnimi Rønnemilu arpattoqatigiittoqarluni.
Kunngissaq Frederik qiterluppoq taamaattumik 1,6 kilomiiteri pisuinnarpaa kingornalu Københavnimi peqataajartorluni.
Kunngissalli nulia, Kronprinsesse Mary Aalborgimi 5 kilomiiterimut arpaqataavoq.
- Arpaqataaninni ilimagisannit assoroorneruvunga apuukkiartorninnili iluatsippoq arpaqataaneralu nuanneqaaq, aqqutaanimi arpaqataasut oqaloqatigillartaarpakka, ulloq pingaaruteqaqaaq arpaqatigiinnermi Danmarkimi ataatsimoorfiusarpoq, Kronprinsesse Mary DR-imit apersorneqarluni taama oqarpoq.
Royal Runilu iluatsilluartoq aaqqissuisut oqaatigaat, peqataasummi 60 procentiisa missaat arnaapput, peqataasullu pingajorarterutaat siullerpaamik peqataallutik.