Danmarkimi qaartartut immap naqqaniittut piiarneqaleruttorput
Pittuffiup eqqaani immap naqqani kisimi qaartortartoqanngilaq, tassami Danmarkip ilaani Kaløp kangerliumarngani qaartartut sorsunnersuup siulliani aappaanilu nakkartinneqarsimasut sakkutuut aqqartartuinit piiarneqaleruttorput.
Allattoq Louise M. Kleemann
Qaartartut katillugit tonsinik arfineq-pingasunik oqimaassusillit Kaløp kangerliumarngani nassaassaapput. Kisianni brintbombemut Pituffiup eqqaniittumut sanilliullugit qaartartut taakku sakkortussusaat nalinginnaasuuvoq.
- Qaartartut immap naqqaniittut angallatip aquutaa sarpialuunniit sequmissinnaavaat, inunnillu eqqaaniittoqarpat ajunaarsinnaapput, sakkutuut aqqartuisa teknikkikkut aqutsisuat Gerner Larsen oqarpoq.
Nukissiuutinik pilersuiffiup Dong Energip Søværnet qinnuvigaa qaartartut Kaløp kangerliumarngata naqqaniittut piiaqqullugit.