Danmarkimi nunap ilaa eqqissisimatitanngortinneqarpoq

Danmarkimi pinngortitap ilaa eqqissisimatitanngortinneqaqqammerpoq. Danmarkimi aatsaat taamaaliortoqarpoq.

Naturpark Thy Agger Tangemiit avannamut Hanstholmip tungaanut ingerlavoq, 12 kilometerinik isorartussuseqarluni, tassa Jyllandip sineriaa atuarlugu pinngortitap ilaa eqqissisimatitanngortinneqarluni.

Timmissat uumasullu allat maanna takornariarneqarsinnaalissapput, ministeriunerullu Anders Fogh Rasmussenip Naturpark Thy ammarpaa.

Misigisassarpassuarnik timersornermillu nuannarisallit Naturpark Thymi periarfissinneqarsinnaalerput, Anders Fogh Rasmussenilu pissangaqaaq:

- Mountainbike-inut aqqutip misilinnissaa erinigeqaara, ministeriuneq oqarpoq.

Pinngortitamilli allanngutsaaliukkamik Danmarkimi pilersitsineq Danmarks Naturfredningsforeningimit naammagineqanngilaq, nuna inunnit atorneqarsinnaasoq eqqissisimatitarlu erseqqinnerusumik immikkoortinneqarsimannginnerat oqariartuutigineqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat