Danmarkimi naatsiiviit ilaanni pulateriaarsuk

Pulateriaarsuk 40 kilonik oqimaatsigisoq meterinillu sisamanik takitigisoq Jyllandip avannaani najugaqarfiit ilaata naatsiiviani ippassaq unnukkut nassaarineqarpoq.
Allattoq Jaaku Lyberth
juulip 23-at 2010 09:20

Pulaateriaarsuk Jyllandip avannaanni illoqarfimmi Jerslev-imi arnap naatsiivimmini naammattoorpaa.

Arnap pulateriaarsummik nassaartup neriuutigaa pularteriaarsunnik taamak angitigisunik allanik naatsivimminiittoqassanngitsoq. Pulateriaarsuk phytonslangimik taaguuteqarpoq.

Pulateriaarsunnik nujuillisaasartup Peter Løve Markip pulaateriaarsuk pythonslange arnap naatsiviiani nassaarineqartoq karsimut inissippaa, ilanngullugulu oqaluttuaraa pulateriaarsuk illut naatsiivini ajunngivissumik uumasuusimasoq.

- Pulateriaarsuk peqqippoq nerisakilliorsimananilu salunngilaq, Peter Løve Mark oqarpoq.

Pulateriaarsuk 40 centemeterinik silissuseqarpoq, nassaarineqaramilu nereqqammersimarpasippoq, Peter Mark Løve oqarpoq.

Qitsunnik teriarsuarnillu nerisaqarsimanissaa Peter Mark Løvep naatsorsuutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq