Danmarkimi naalakkersuisut oqaaseqaqqikkumagunanngillat

Meeqqat 22-t misiliutitut 1951-imi Danmarkiliartinneqartut pillugit Danmarkimi naalakkersuisut oqaaseqaqqikkumagunanngillat.
aggustip 21-at 2009 07:19

Naalakkersuisut Radioaviisimit ullut arlallit attaviginiarneqaraluarput, pisimasup misissorneqarnissaanut tapersersuinnginnersut ilaatigut apeqqutiginiarlugu. Akissuteqarnissaalli ilimanarunnaarpoq.

Naalagaaffiup ministereqarfianiit nalunaarput isumaginninnermut ministeri, Karen Ellemann, pisimasoq pillugu naalakkersuisut sinnerlugit maanna oqaaseqartassasoq.

Nalunngilarput ministeriuneq Lars Løkke Rasmussen pisortatigoortumik utoqqatseqquneqarnerminut paragraf 20 naapertorlugu apeqqummut ullualunnguit matuma siorna akimmat, utoqqatserumanani.

Isumaginninnermut ministeqarfimmiit oqaaseqarnissaat aamma ilimanarunnaarpoq.

Isumaginninnermut ministeri, Karen ellemann, tusagassiortunit apersorneqarusunngilaq, allallunili naalagaaffiup ministereqarfiata Folketingimut akissutaa tapersersorini, allamillu oqaaseqarusunnani.

Aamma atuaruk