Danmarkimi naalakkersuisut nikititilaartussanngorput
Lars Løkke Rasmussen ullaaq oqaraluarpoq ministerinik nutaanik nassaarsiornissaq nukingernanngitsoq, påskili qaangiutsinnagu naammassisimanisaa maanna ilimagineqalerpoq. Danmarkip Radioata nittartagaani tamanna atuarneqarsinnaavoq.
Suliffissaqarnermut ministeri, Claus Hjort Frederiksen, imaluunniit akileraartarnermut ministeri, Kristian Jensen, Lars Løkke Rasmussen taarserlugu aningaasaqarnermut ministerinngorsinnaanerat eqqoriarneqarpoq.
Kristian Jensen Venstre-mi siulittaasup tulliatut aamma inisseriaannaavoq.
Atugarissaarnissamut ministerimik aamma atorfinitsitsisoqartussaavoq, Karen Jespersenimi sapaatip akunnerani kingullermi tunuarpoq.