Danmarkimi naalagaaffiup karsia minusimiilissaaq

Danmarkimi naalagaaffiup karsiata aappaagu amigartooruteqarnissaa naatsorsuutigineqarpoq, aammattaaq naalakkersuisut naatsorsuutaat malillugu 2010-mi 23 milliardi koruuninik amigartooruteqassasoq ilimagineqarpoq. Aviisimi Børsenimi tamanna atuarneqarsinnaavoq.
Allattoq Louise M. Kleemann
decembarip 09-at 2008 07:56

Aningaasaqarniarnikkut ajornartorsiorneq tamatumunnga pissutaatinneqarpoq, aktiat nalingi appariartuinnartut uuliallu akia appariartuinnartoq sinneqartoorutit amigartoorutinngortissimammassuk.

Aningaasaqarniarneq ingerlalluarallarmat akiligassarsiinerit ingasatsikkaluttuinnarsimasut aningaasarliornernut aamma pissutaaqataasorineqarput.

Naalagaaffiup siorna sinneqartoorutai 75 milliardi koruuniupput:

- Aningaasaqarniarnikkut nunarsuarmi ajornartorsiutit ataatsimut isigalugit anigorsinnaanngilagut, Jakob Brøchner Madsen, Australiami Monash Universitymi professori, Danmarkip Radioani apersorneqarluni oqarpoq.

- Kinguariartulernermik eqqugaavugut naalagaaffiillu assigiinngitsut taakkualu qitiusumik aningaasaateqarfiisa tamanna pingitsoortissinnaagunanngilaat, Jakob Brøchner Madsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq