Danmarkimi mitit 80-it nappaammik toqunartumik eqqugaasut
- Timmissat nualluutaatulli tunillaassiatiginngilaq, inunnullu navianartuunani, kisiannili timmissat akornanni tunillaassuuttuuvoq, taama nutaarsiassaqartitsivimmut oqarpoq ilisimatooq nersutit pillugit nakorsaqarfimmeersoq Sofie Hammer.
Maajip ingerlanerinnaani Fynimi mitit 80-t toqungasut nassaarineqarput. Mitit toqungasut nassaarineqartut amerlagineqaqaat. Misissorneqarnerisalu paasinarsisippaat bakterissamik Pasteurella multocida-mik, tassalu toqunartumik, tunillanneqarsimasut.
- Qanoq ilillutik tunillanneqariartuaarsimanerat malinnaaviginiaraluarparput iluamilli paaserpiarsinnaanngilarput, Anne Sofie Hammer issuarneqarpoq.
Namminersornerullutik Oqartussani uumasut nakorsaatut atorfeqarallartitaq Carl Anton Henriksen, naapertorlugu mitit Danmarkimi toqorarnerat Kalaallit Nunaannut anngussinnaanngilaq, taannami nassuiaavoq mitit taamaattut taama ungasitsigisumut timmisinnaanngitsut.
