Danmarkimi katersuiniarneq KNR-ip aallakaatissavaa
Danmarkimi 2010-mi katersuiniarnissarsuaq arfininngorpat toqqaannartumik tv-ikkut aallakaatitsinermik naggaserneqassaaq. Aallakaatitassiaq nalunaaqutaq ualikkut pingasuniit unnukkut arfineq-pingasut tungaanut KNR-ip DR peqatigalugu aallakaatissaavaa.
Aningaasat katersorneqartut Afrikami arnanut ingerlatinneqartussaapput, DR malillugu Afrikap siunissaanik kivitsinissamut taakku piukkunnaateqarluarput. Tamatuma saniatigut Haitimi nunap sajunneranit eqqugaasut aamma katersuunneqassapput. Tusagassiat Haitimeersut Afrikameersullu aallakaatitassiami takutinneqartassapput, ilanngutassiat tupaallannartut aamma ilaatigut Thomas Helmig, Anne Linnet, Magtens Korridorer, Kashmir aamma skotlandimiu Susan Boyle aliikkusersuissallutik.
Oqarasuaatikkut sianertut isiginnaartitsisartunit, naalakkersuinikkut suliaqartunit timersortartunillu ilisarisimaneqarluartunit oqaloqatigineqartassapput. Ilaatigut takku ilagissallugu Nikolaj Coster-Waldau, isiginnaartitsisartup Nukaaka Coster-Waldau-ip uia.
Kalaallit Nunaannit tapersiutit oqarasuaat angallattagaq atorlugu ’DI’ 1212-imut allallugu nassiussinikkut pisinnaavoq, tassa 299 allaqqaarnagu, taamaalillunilu 150 koruuninik tunniussilluni imaluunniit 0045 70 12 50 56-imut sianertoqarsinnaavoq dankortilu atorlugu tunniussilluni.
