Danmarkimi kalaallit illuutaasa facebook atulerpaat

Kalaallit Illuutaasa Danmarkimiittut- Aalborgimiittup, Odensemiittup Københavnimiittullu - qarasaasiami facebook aqqutigalugu atuisuminnik attaveqaqateqarsinnaanertik aamma paasilersimagaat, Sermitsiaq nittartakkamini allaaserisaqarpoq.
Allattoq Elisa Isaksen
aggustip 30-at 2009 17:21

Københavnimi kalaallit illuutaat facebookimi marlunnik iserfigineqarsinnaasunik pilersitsisimavoq, taakkunani ikinngutit iserfigisinnaasaat 115-inik ilaasortaqarpoq, nuannarinnittullu iserfigisinnaasaat 162-inik ilaasortaqarluni.

Aalborgimi kalaallit Illuata ikinngutai 34-upput, Odensemiittoq amerlanerpaanik ilaasortaqarluni 232-inik ikinnguteqarpoq.

Facebookimi gruppenik ujaasiniarluni "Grønland" allakkaanni, Grønlandimik qulequtaminniititaqartut 500-t sinneqarput.

Ujaasiffigineqarsinnaasumi "venner" ujaasiffigigaanni quppernerit 383-it ikinnguteqarfiit takkutissasut, Sermitsiap nittartagaani allaaserinnittoqarpoq.

Facebook nutaarsiassaqarfittut atorneqarsinnaavoq, soorlu aamma attaveqaqatigiiffinnut aamma ikinngutinut attaveqarnermut atorneqarsinnaasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq