Danmarkimi juuli kingumut kiassuaartorsuuvoq
Danmarkimi ukioq-manna juulip qaammataani tallimassaa aatsaat taama kiatsigaaq, tassa Danmarki tamakkerlugu ukioq 1874-imili uuttortaasoqartalermalli. Silasiorfik DMI taama ilisimatitsivoq.
juulip 29-at 2010 07:27
Nalinginnaasumik kiattarneraniit gradit pingasut sinnerlugit kiannerusimavoq.
Juulip qaammataata naanerani 20-t missaannik ullukkut kiattassaaq, unnuakkut 15-it missaannik.
Juulimi agguaqatigiissillugu kiassuseq taamaalilluni 18,8-ssaaq, nalinginnaasumik 15,6-iusaraluartoq, gradit pingasut sinnerlugit kiannerussalluni.
Aamma seqinnernerussaaq. DMI-p naatsorsuutai naapertorlugit nalunaaquttap akunneri 260-it seqinnissagunarpoq, agguaqatigiissillugu 196-iusaraluartoq.
2006-imi juulip qaammataani kiannerpaallunilu seqinnerpaasimavoq. Agguaqatigiissillugu kiassuseq taamani 19,8-simavoq, nalunaaquttallu akunneri 321-t seqinnersimalluni.
