Danmarkimi illut qaavi nakkaattut arlaqarput
Illut qaavisa nakkaanerisa kingorna inuk ataaseq maannamut ajoquserpoq, aamma puulukit inaata qaava nakkaammat niviarsiaraq ajoquserluni, aviisi Ingeniøren taama allaaserisaqarpoq.
Hiisterluni sungiusartarfiullunilu unammisarfiup Brovstimiittup qaava nakkaammat, hiisternermik ilitsersuisartoq uumasullu inaannik isumaginnittoq niviarsiaraq ajoquserujussuangajapput.
Inuusuttut tennisertartut qulit unammileruttortut, tennisimik unammisarfiup qaava nakkaappoq, isersimasulli tamarmik ajoqusersimanngitsut oqaatigineqarpoq.
Sverigemi Uddevallami hiisterluni unammisarfiup qaava nakkaammat niviarsiaqqat marluk ajoquserput, hiistilu ataaseq toquinnarneqartariaqarsimalluni.