Danmarkimi illersornissamut pisortaq ajornartorsioraluttuinnarpoq
Danmarkimi íllersornissamut pisortap, Tim Sloth Jørgensenip, ajornartorsiutai annertusiartuinnarput. Atuakkap oqallisaaqisup, "Jæger - I krig med eliten"-ip arabiamiusut nutserneqarluni aviisimut ullormut saqqummersartunut BT-mut ingerlateqqinneqarnera, sakkutuut naalagaaneqarfianni attaveqaqatigiinnermut pisortamit, Lars Sønderskovimit, pisuusoq ippassaq paasineqarpoq.
oktobarip 03-at 2009 13:38
Illersornissamulli pisortaq, Tim Sloth Jørgensen, nammineerluni tunuarusunngilaq. - Illersornissamut ministerip tamanna aalajangissavaa, oqarpoq. Aamma oqarpoq, pisoq tamaat aalassassutigeqigini, unnuakkullu sinnarliortarnerarpoq.
Illersornissamut ministeri Danmarkip Radioanut ippassaq ualikkut oqarpoq, atuakkap kimit BT-mut tunniunneqarsimanera paasineqarmat naammagalugu. Illersornissamut ministeri pisoq pillugu aamma nassuiaateqartinniarlugu oqarpoq. Ullumi paasisat Søren Gademut oqiliallaataanissaat ilimagineqarpoq.
Tunuarnissaa Socialdemoratit piumasaraat, maannali tassa paasinarsivoq, sakkutuut naalagaaneqarfianni qanoq pisoqarsimanera illersornissamut ministerip ilisimasaqarfigisimanngikkaa.
