Danmarkimi ilaqutariit pissakilliortut ikioqqusut amerlaqaat
Danmarkimi ikiuiniaqatigiiffiit, soorlu Frelsens Hær aamma ASF Dansk Folkehjælp, ilaqutariinnit juullilernerani ikioqqusunit ukioq-manna aatsaat taama saaffigineqartigipput. Aviisimi Politikenimi, sapaatikkut saqqummersartumi ullumi allaaserineqarpoq, aningaasaateqarfik Rockwool Forskningsenhed, misissuisitsimmat paasinarsisimasoq, ilumut ilaqutariit meerartallit aningaasarliortut ukiut qulit kingulliit ingerlaneranni amerleriarsimaqisut.
Misissuinermi paasinarsivoq, Danmarkimi innuttaasut pissakinnerpaat sisamararterutaat, ilaqutariinnut meerartalinnut allanut naleqqiullugit, ukiuni qulini ukiut tamaasa 3.000 koruuningajannik ikinnerusunik atugassaqartarsimapput. Tassa innuttaasut pissakinnerit ilaat annikitsumik aningaasarsiornerulertaraluarput, ilaallu juulleriartornerani pisiniarfilerinissaminnut aamma marloriaammik atuisarsinnaasarlutik.