Danmarkimi højskolenut tapiissutit peerput

Danmarkimi højskolernernut 50-inut, ilaatigut oqaatsinut højskolinut, nipilersornermut timersornermullu højskolernernut aningaasaliissutissatut immikkoortinneqartarsimapput.

Højskolernermi najugaqarnermut, atuartitsinermut angalanermullu aningaasartuutit, kiisalu ilinniagaqarnersiutit aningaasaliissutitigut matus-suserneqartarsimapput aaqqissuussinerlu Sisimiuni Oqaatsinik Pikkorissarfimmit aqunneqarsimavoq. 2010-mut aningaasanut inatsisip akuerineqarneranut atatillugu aningaasat taakku siunertanut allanut atortussanngortinneqarput.

Atuarfiusumut 2009-mit 2010-mut aningaasaliiffigineqareersut naammassitinneqassapput. Taamaattoq Danmarkimi højskolernissamut qinnuteqartussat angalanermut najugaqarnermullu atatillugu aningaasartuutit tamarmik nammineq akiligassaaneri eqqumaffigissavaat.

Nunatsinni Qaqortumi Sisimiunilu højskolinut marlunnut taakkununnga Ilinniartitaanermut Naalakkersuisoqarfiup akiligaannik højskolernissaq suli qinnutigineqarsinnaassaaq.

Qinnuteqarfissaq kingulleq atuarfiit qinnuteqarfissiaanni nittartakkani atuarneqarsinnaapput.