Danmarkimi Enhedslistenip Nunarput tapersersorpaa

Kalaallit Nunaat Danmarkilu silap pissusaanut tunngatillugu isumaqatigiissinnaanngippata tamanna ajornartorsiutinngussaaq annertoorujussuaq, Kalaallit Nunaatalu taamaattumik sila pillugu isumaqatigiinniarnerit pisussat danskit aallartitaat peqatigalugit kipitissallugit.

Taama isumaqarpoq nukissiuutit pillugit oqaaseqartartoq Per Clausen Enhedslistemeersoq, taamaattumillu sila pillugu ministerimut paragraf 20 atorlugu suliassanngortitsilluni. Taanna isumaqarpoq isumaqatigiissummut pisussamut kalaallit kissaatigisaat Danmarkip akuersaartariaqarai.

Isumaqarpunga tamanna inatsisitigut tunngavissaqartoq, naleqquttuullunilu Kalaallit Nunaata tungaanit oqartoqassappat, ilami uagut Danmarkimisulli atugaqanngilagut, immikkut ittunik soqutigisaqarpugut pissutigalugu nunaagatta arlalippassuartigut siunissami aningaasaqarnikkut namminiilernissarput qulakkeerniarlugu pisarialimmik ineriartorsimanngitsugut. Tassami tamatumunnga periarfissaqartariaqarpoq, isumaqarpungalu Danmarkip Kalaallit Nunaat ikiussallugu pisussaaffigigaa.

Aappassaanillu isumaqarpunga ajuusaarnassasoq uagut ilutsinni Danmarkip Kalaallit Nunaatalu akornanni apeqqut ajornakusoornerpaaq taanna sila pillugu ataatsimeersuarnissami suliarisinnaanngikkutsigu, isumaqatigiissullu suliaralugu nunallu suliffissuaqarnikkut ineriartortussat nunat pisuut eqqarsaatigalugit periarfissillugit.

- Danmark Kalaallit Nunaallu isumaqatigiissinnanngippata, taava kikkut ajornartorsiuteqalissasut isumaqarpit?

- Isumaqarpunga suliassaq tamanna aammattaaq Kalaallit Nunaannut akuersaaruminartunngorlugu suliarinngikkutsigu Danmarkimut kinguarsaaterujussuussasoq, tassami uanga isumaga malillugu taava nunat pisuut ilisimasanik pisariaqartunik pissarsinngikkunik isumaqatigiissusiornavianngimmata.

Naalakkersuisut siulittaasuat Kuup Kleist ullumi aviisimut Informationimut oqarpoq Danmarkimik isumaqatigiissuteqarnissap anguniaqqinnissaa misilikkumallugu. Tamanna iluatsinngippat nunat piitsut suleqatigiiffiata G77-ip Kalaallit Nunaannik isumaqatiginninnarluni qaaqqusinera innersuuppa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat