Danmarkip kangia kisimi anorersuarmit eqqugaanngilaq, Danmarkimimi tamangajammi sapaatip akunnera manna aallartilaartorli anorersualerpoq.
Fynimi, Jyllandip kangiani Sjællandillu kitaani mallersorujussuummat qarsutsineqaqattaarpoq.
Anorersuaq ullaq manna qasukkaamisimammat umiarsualiveqarfiit aqqusinikkullu angallanneq ammarneqaqqittut, tv2-p nutaarsiassaqartitsivia tusarliussivoq.
Anorersuallarmat innuttaasunik arlalissuarnik uumasuutinillu qimarnnguissuisoqarpoq, Lollandip avannaatungaani qeqertaaqqami Lilleø-mi saputit ajalusoormata savat 100 malissuarnit amuneqarsimasut qeqertaararlu tamarmi qarsunneqarsimasoq oqaluttuarineqarpoq.
Danmarkip ilarujussuani qarsutsiviusuni innuttaasut arlalissuit Falckip annaassiniartartuinit aaneqartariaqarsimasut sulilu arlissuit innaallagiaqanngikkallartut, tv2-mit tusarliunneqarpoq.