Meeqqat atuarfiini efterskolinilu atuartut ukioq manna misilitsinnissat tamarmik taamaatinneqartut, Danmarkimi naalakkersuisut ilisimatitsissutigaat. Assi: RitzauScanpix

Danmarkimi 9.-10. klassini atuartut misilitsinnissaat taamaatinneqartut

Danmarkimi meeqqat atuartut angajulliit 9.-10. klassini atuartut tamarmik misilitsinnissaat coronavirusi pissutigalugu taamaatinneqarput.

Ministeriuneq, Mette Frederiksen tugasagassiortunik ataasinngornermi unnukkut katersortitsinermi taama oqarpoq.

Kalaallinullu Danmarkimi efterskolertunut 230-nut tamanna sunniuteqassaaq.

Taakkumi atuarnertik naammassigunikku allattariarsornikkut oqaluttariarsornikkullu misilitsinnatik atuarnertik naammassisariaqassavaat.

AAMMA ATUARUK Efterskolit: Ilaqutariit efterskolertuutillit aningaasanik utertuussapput

Tamannalu taarsiullugu atuartut ukiumoortumik karakteeriisa misilitsinnermi uppernarsaammi allanneqassasut, ministeriuneq, Mette Frederiksen taama ilisimatitsivoq.

Danmarkimi naalakkersuisut tusagassiortunik ataasinngornermi katersortitsinerminni nalunaarutigaat, atuarfinni klassimiit 10. klassi tikillugu atuartut maajip ulluisa qulingata tungaanut atuannginnissaat sivitsorneqartoq.

Atuartullu matoqqatitsinerup nalaani angerlarsimaffimminniit atuartinneqaannassasut nalunaarutigineqarpoq.

Tamannalu kalaallinut Danmarkimi atuartunut sunniuteqassaaq, taakkumi efterskolerfimminniittut ilaqutariinniluunniit attaveqaatiminniittut suli Danmarkimiittariaqassapput.

AAMMA ATUARUK Naalakkersuisoq: Efterskolertut Danmarkimiiginnartariarput - angerlarniarunilli akiliunneqarsinnaapput

Taamatuttaaq kalaallit Danmarkimi efterskoleraluartut nunatsinnut utersimasut - Danmarkimukarnissatik maannamuugallartoq naatsorsuutigisinnaajunnaassavaat.

Danmarkimi ministeriuneq, Mette Frederiksen ataasinngornermi oqarpoq, atuartut minnerit 5. klassit tikillugit atuartut poorskereerpat, sapaatip akunnerata tulliani pingasunngornermi atuariartoqqissinnaalissasut.

Isummersuutit